Union Minister of State, Pu Gajendra Singh Shekhawat-a’n MUDRA Promotion Campaign a hawng

0
307
views

Sorkar laipuia Financial Services Department, Mizoram sorkar leh State Level Bankers Committee \angho buatsaih, MUDRA Promotion Campaign chu Union Minister of State for Agriculture and Farmers Welfare, Pu Gajendra Singh Shekhawat-a’n vawiin khan Kulikawn YMA Hall-ah a hawng a, Jan Dhan Yojana hnuaiah Bank Account nei thar, ram pumah vbc. 30 vel an awm tawh a, Direct Benefit Transfer hmangin ham\hatna dawngtu tur dik takte pawhin an dawng tawh nia sawiin, entrepreneur te tichak lehzual nan leh a tui miten awlsam taka loan an lak theih nan Stand Up scheme hi duan chhuah a nih thu a sawi. Pu Gajendra Singh Shekhawat chuan, MUDRA chu mahni kutkawih ngeia eizawngte din chhuah nana puitu pawimawh tak a nih thu a sawi a, Sorkar laipuiin Scheduled Caste, Scheduled Tribe leh OBC-te ngaihtuah chunga a siam a nih thu leh dahkham ngai lova bank loan lak theihna a nih bakah loan puk duh tan Guarantor a ngai lo niin a sawi bawk.

Finance Minister, Pu Lalsawta pawhin loan latute chu a rulh lam an ngaihthah chuan nakinah an phur tirittu a la nih dawn avangin loan rulh ngai pawimawh se a duh thu a sawi a, Bank-a thawkte leh anmahni dawrtute pawh inhrethiam tawna nelawm taka mipuite lo hmachhawn \hin tura chahin, MUDRA scheme chu din chhuahpui ngei turin mipuite a sawm a ni.

Sorkar laipuiin kum 2015 April thla khan mipuiten awlsam zawka eizawnna an neih theih nan leh dahkham ngai lova bank loan an puk theihna atan MUDRA scheme hi a duang chhuak a. He Scheme hmang hian Sishu loan, Rs. 50,000 thleng lak theihna te,
Kishor loan, Rs. 50,000 thleng lak theihna leh Tarun loan Rs. 500,000 leh a aia tam, Rs. 10,00,000 thleng theihna te a awm a ni. Mizoramah MUDRA scheme hmang hian kum 2016-17 chhungin mi 6,929 in cheng nuai 9,456.70 an p<k a, sorkar kum kal mekah hian mi 2,774-in cheng nuai 3,386 an p<k tawh bawk.

MUDRA Promotion Campaign-ah hian Mizorama Nationalised Bank hrang hrang leh Private Bank-te chu mipui dawr theih turin an inpho chhuak a, loan dil duhte tan a hmunah dilna an tihfelsak nghal a ni. MUDRA loan bakah hian sorkar laipui scheme hrang hrang – Pradhan Mantri Jeevan Jyoti Bima Yojan, Pradhan Mantri Suraksha Bima Yojana leh Atal Pension Yojana te leh UIDAI hnuaia Aadhaar Card siam duhte pawh tihsak nghal zel an ni bawk. MUDRA Campaign hi ram chhung hmun hrang hrangah September ni 27 leh tun thla ni 17 inkar chhunga buatsaih turin sorkar laipui chuan a ti a ni.