Kum 2009-a Evangelical Church of Maraland Assembly thuchhuak angin ECM chuan tun thla ni 7, Inrinni khan Siahaah Maraland Theological College a hawng. He Theological College thar hi ECM Higher Secondary School Compound-a ram awlah concrete building-a sak a ni a, hei hi Inrinni khan Serampore College Principal, Dr. Vansanglura’n a hawng a ni. Hawnna inkhawm hi Maraland Theological College Principal, Rev. Dr. FC Beicho-a’n a kaihruai a, he Theological College-a zir theihte chu C.Th, Dip. CS, BCS, B.Th leh B.Miss a ni a, kum 2018 a\angin B.Th leh B. Miss course-te hi \an theih tum a ni. Maraland Theological College-ah hian Principal, Rev. Dr. FC Beicho bakah zirtirtu 6, Clerk 1 leh Fourth Grade 1 an awm a ni.
