Ei rawngbawlna Gas a thlen that loh avangin mipuiten harsatna tawk

0
379
views

Tunlai hian ei rawngbawlna Gas a thlen \hat loh avangin mipuiten harsatna an tawk nia thu dawn a ni a, Gas hi thla khata vawi khat chauh dawngte an awm a, sem leh sem inkarah a zawh hman \hin avang leh, Gas Agent hnenah pawh lak tur an neih loh avangin Black-a lei tate pawh an awm nia thu dawn a ni. Gas Agent-ten sem tur an neih loh lai pawh hian black-a lei tur a awm reng nia thu dawn a ni a, bur khat man hi cheng 1,000 leh cheng 1,500 te a ni a, hemi lei pha lote chuan meihawl an hmang bawk. Indian Oil Corporation hotute chuan, ei rawngbawlna Gas harsat chhan chu kawng chhiat vang leh, thawktute zingah September ni 29 a\anga tun thla ni 2 thlenga Puja chawlh hmanga kal an tam vang niin an sawi a, Assam-a Digboi-a Gas lakna in hmarchhak bial a chawm zawh loh avangin West Bengal-a Haldia lawng chawlh hmun pal tlanga ram dang Gas chawk luh a nih thu an sawi bawk. IOC hotute chuan, thawktute chawlh hmanga kal an haw khawm leh tawh avangin Gas harsatna pawh hian ziaawm lam a pan thuai an beisei thu an sawi a, black-a Gas zawrh awm chungchangah pawh Agent inhnamhnawih hriate chu anmahni hriattir thuai turin an ngen bawk. Supply Department hotute pawhin kawng chhiat avangin Gas phur truck-te pawhin tlan an hreh phah niin an sawi a, Gas bur, a tak awm phur chunga tlan chu chetsual a awl nia sawiin, an tlan \ha duh lo niin an sawi a, tun hnaiah ni danga Gas thleng \hin zat thleng lo mah se, thleng lo tawp chu a ni lo tih sawiin, Champhai leh Siahaah erawh chuan kawng chhiat avangin a thleng khat deuh niin ZONET an hrilh bawk.