Ei tur siamna hmuna thianghlim leh hrisel taka hnathawh chungchang training nei

0
646
views

Health Department-a Food & Drugs Administration-in vawiin khan ei tur siamna hmuna thianghlim leh hrisel taka hnathawh chungchang training, Babutlanga Archives Hall-ah a buatsaih a, Principal Director, Dr F Lallianhlira’n hmanpuiin, ei siamtuten mi dangte hriselna tichhe thei an ni tih an inhriat a, an ei siam a\anga mi dangten harsatna an tawh chuan dan hmanga hrem theih an nih pawh an inhriat a \ul thu a sawi. He training-ah hian ei siamtute inenkawlna dan te, chaw chakna tibo leh tichhe lo zawnga siam a pawimawhna te, Thianghlimna ngaih pawimawh a \ul thu te, an incheina leh ei siam sa pe chhuaktute pawimawhna te an zirtir a ni. Food & Drugs Administration hian Restaurant, Hotel, Catering leh ei siam hmanga sumdawng engawmawzat chu thianghlimna leh hriselna lama hmasawn tura hriattirna an lo pe tawh a ni. Training hi Food & Drugs Administration Joint Director, Pu Lalsawma’n a kaihruai a, zawhna leh chhanna hun hman a ni bawk.