Hemi chungchanga ZONET zawhna chhangin Food, Civil Supplies and Consumer Affairs Director Dr. Lalhriatzuali Ralte chuan, mipuite ham\hatna tur anih avangin home delivery hi a hlawhtlin theih nan sorkarin hma a la zel dawn tih a sawi a, Home Delivery kalpui tur hian Gas Distributor te chu hriatir vek an ni tawh a, Aizawl khawpui veng hrang hrang chawmtu Gas Distributior te chu an mahni huam chhunga veng pakhat \heuh thlang chhuakin bul\an tura tih an ni a, Zonuam bialtu Zothan Indane leh College veng bialtu Mizofed te chuan \ha taka an kalpui laiin, a bak zawng chuan duhthusamin an la kalpui thei rih lo tih a sawi.
Dr. Lalhriatzuali Ralte chuan, Gas Home delivery kalpui tur hian Distributor te chuan IOCL in retail selling rate a neih sa bak sorkar pawmpui cheng 70 thleng mipuiah an lak belh thei tih a sawi a, home delivery kalpuina vengah hian point hrang hranga gas sem \hin chu tihtawp nghal vek tur a nih thu a sawi.
Hetihlai hian distributor \henkhat-in home delivery kalpui an tumna veng ten an duh loh thu leh an la inpeih loh thu an sawi nia sawiin Distributor \henkhat chuan hei hi chhuanlamah an hmang tih Dr. Lalhriatzuali Ralte chuan a sawi a, hei hi distributor ten mipuite thil kalphung an hrilhfiah tawk loh vang a nih hmel a, veng \henkhat home delivery kalpui duh lo an awm pawhin veng dang an thlang leh mai tur a ni a ti.
Eirawngblawna Gas Home delivery chungchanga ZONET zawhna chhangin Mizoram Consumer Union Vice President Pu Thanglur chuan distributor ten an ti \ha duh lo nia an ngaih thu a sawi a, harsatna hrang hrang siamin Home delivery a hlawhtling ang tih an hlau nia an ngaih thu a sawi a. Distributor ti \ha duh lo te chu sorkarin khawng takin dan hmangin na zawkin nawr se an duh tih a sawi.
Gas home delivery kalpuina College veng leh Zonuam khawtlang hruaitute hnen a\anga ZONET thudawn danin Gas home delivery chu \ha an tih thu an sawi a, hun tam tak senga intlar buai ngai lova an in ngeia thlen a ni chu a hahdam thlakin kalpui zel \ha an tih thu an sawi.
