Ramhlun North-a Elycin Enterprise leh Ramhlun North bawka North Wine & Spirit Shop nizana rawktu nia hriat, Malsawmtluanga, kum 27 mi, Durtlang North-a awm chu man a ni a, Bawngkawn Police Station-ah First Security miten tukin khan an hlan. Hemi hnua Bawngkawn Police Station a\anga thudawn danin Malsawmtluanga hi Magistrate hmaa inlantir a nih hnu-ah thu zawhfiah turin Police kuta darkar 48 chhung awmzui phalsak a ni. Nizana Elycin Enterprise-a rawk hian tui pump-na khawl lian chi pakhat leh a te chi pathum ru chhuakin kawngah a hnutchhiah a, hemi hnu hian kal bovin helai veng bawka North Wine & Spirit Shop a rawk leh a, zu Rs.28,860/- man hu, lehkha khawng bawma thun a kut a\ang hian man chhuah a nih bakah zu dang Rs.12,000/- man vel wine shop-ah a tichhe bawk a, an zawhna chhangin a thil tih hi First Security mite leh Police te hmaah a puang tawh a ni.
