Video Conference kaltlanga sawihonaah hian, COVID-19 avanga inkharkhip lai hun remchang laa Dan lova thing zai, sapel, ram vak, lui kal leh ram hal ching mi engemawzat man an nih thu leh heng mite hi dan anga hrem an nih thu sawi lan a ni. Green India Mission kalpui dante, inkhuahkhirhna hman mek laia forest kaihhnawih dan bawhchhiatna ven chungchang te, Green Mizoram Programme hnuaia thing lian chi kui tiak tura hmalakna kallai te, reversed forest huamchhunga ram pass cancel chungchang te, CAMPA hnuaia DFO tin ten ruahmanna an siamte leh rawhling (bambusa bambos) tiak lakkhawm chungchangte an sawiho a ni.
