Eptu pawl pathum – ZPM, BJP leh Prism party-in Mizoram Congress kaihhruai sorkar chu dik lo taka NLUP pawisa hman tumah puh

0
903
views

Eptu pawl pathum – ZPM, BJP leh Prism party-in Mizoram Congress kaihhruai sorkar chu dik lo taka NLUP pawisa hman tumah puhin, a \ul anga hmalak zel an tum thu an puang. Heng Party 3 aiawhte hian vawiin khan hemi chungchanga an hmalak zui zel dan tur hi an rel hova, chumi hnua Aizawl Press Club-a thuthar lakhawmtute an kawmnaah, Mizoram sorkar flagship programme, NLUP hmanga hmalaknaah Mizoram mipui huap lova, Congress Party tan chauh ngaih theiha hmalakna awm chu \ha an tih loh thu sawiin, NLUP atan sum sem tur chu Congress Party ta ni lovin, Mizoram mipui tan a nih avangin Congress Party-in an party ham\hatna atana an hman chu dan kalh a nih thu an sawi. Party pathum hruaitute chuan, NLUP hmanga hmalaknaah hian Sorkar laipuiin ni 100 inhlawhna-ah India ram khua leh tui zawng zawng a huap tir anga hmalak an duh ve thu leh kumin February ni 9-a NLUP Implementing Board Chairman-in Congress MLA 34-te hnenah chauh an bial chhunga NLUP dawng tur chhungkaw 400 thlang chhuak tura hriattirna lehkha a pe chu hleih nei taka rorelna a nih bakah dan bawhchhiatna a nih thu an sawi a ni. Zawhna chhangin Party 3 hruaitute chuan, NLUP inkaihhruaina danin a sawi ang chuan NLUP dawng tur reng reng hi Committee-in a thlang tur a nih laiin, NIB Chairman-in Congress MLA 34 hnena lehkha a thawnah an bial chhung \heuha NLUP dawng tur chhungkaw 400 thlang turin a hriattir nia sawiin, NLUP pawisa chu mipui ta a nih angin hemi chungchanga sorkar thil tih dana lungawi lohna hi Sorkar laipui hotute hnenah zualko an tum thu leh a \ul anga bawhzui zel an tum thu an sawi a. Hemi chungchanga an hmalaknaah MNF Party chu tel ve lo mah se, an thawltu an hriattir niin an sawi.

Synod Social Front-in a zirchianna a\angin NLUP dawngtu zinga zaa 88.7 chu Congress Party mi an ni a, zaa 10.3 chu Neutral niin, zaa 1 chu Party dang mi an ni a. He zirchianna a\ang hian NLUP chu Party induhsakna a ni tih a lang chiang hle tih party 3 aiawhte chuan an sawi a ni.