Excise & Narcotics Department, Anti-Narcotics Squad ten heroin man

0
350
views

Excise & Narcotics Department, Anti-Narcotics Squad ten Nimin leh Niminpiah te khan hmun 3-ah heroin Hawng 7, gram 97 a rit leh a neitua puh te an man. Excise Anti-Narcotics Squad te hian Nilaini zing dar 9:00 khan Falkland Vengah Heroin gram 13 leh a neitua puh Malsawmtluanga kum 32, Rangvamual Mel 3 a cheng nia inchhal an man a. Ningani khan zing dar 7:00 khan Falkland vengah Heroin gram 26 leh a neitu nia puh mi pahnih Mary Lalhnehkimi kum 25, Falkland Vengthar leh Laltlansangi kum 30, Zokhawthar, Champhai District nia inchhalte an man bawk a. Ningani vek tlai dar 4:30 leh dar 7:00 khan Heroin gram 58 leh a neitu nia puh mi pathum Lalrinpuii kum 28, Hunthar Veng, Aizawl, Daniel Lalhmachhuana kum 41, Rangmamual Mel 5 leh Rebeki kum 35, Darlawng, Aizawl District nia inchhalte chu an man bawk.

Heroin vanga mante hi ND&PS Act tlawhchhanin thubuai siamsak an ni. ND&PAS Act hnuaia Special Court chuan tun thla ni 13 khan Excise & Narcotics Depatment ten Heroin gram 7 kawl vanga an man Lalhlimpuia kum 28, Champhai Tlangsam chu thiam loh chantirin kum 2 lungin tang tur leh Rs 5000 chawi turin a hrem a ni.