Excise & Narcotics Department chuan inthlanna muanawm tak buatsaih thei turin zu leh ruihhlo khuahkhirh kawngah beihpui an thlak mek tih sawiin, tun thla ni 19 leh 25 inkar khan Rakzu Litre 1849, Sapzu um 95, Beer um 13 leh Heroin No. 4 gram 213.103 an man tawh tih an sawi. Hetih lai hian Excise & Narcotics Department, Champhai District chuan nimin khan Champhai-ah Heroin gram 38 leh a neitua puh Thangliani kum 43, Bawngkawn Hmar Veng-a khawsa nia inchhal chu an man a. Champhai-ah tho hian Heroin gram 50 leh a neitu nia puh Thangchhungi kum 52, Tawipui, Lunglei District-a khawsa nia inchhal chu an man bawk. Champhai Excise & Narcotics Department ten heroin an man zawng zawng hi gram 88 a ni a, an mi mante hi ND&PS Act tlawhchhanin thubuai siamsak an ni.
