Facebook ah silai a tin lai thla a tarlan avang leh a thupuiah ‘Vannei I inti em, nang Greens mi khan’ tih a hman avangin Australia MP pakhat chuan sawiselna a tawk nasa hle. Sorkar lam MP George Christensen hian inrinni khan he post hi a siam a, Australia-a Greens party te chuan Conservative MP thil post hi thil zahpuiawm tak nia an ngaih thu sawi nghalin, US-a zirlai 17 zet kahhlum an nih hnu lawka thil tih a nih avangin thil mawi lo tak a ni an ti a, Police te chuan chhui chian tur chi a ni em tih an zirchiang mek tih an sawi. MP hian fiamthu liau liau-a post niin a insawi ve thung a, Dirty Harry Film-a a changtupa Clint Eastwood-a tawngkam pakhat kaihlekin fiamthu-in a post mai niin a insawi. Prime Minister Malcolm Turnbull pawhin thil tih chi loh tak a ni a ti a. Greens party chuan anmahni deuhsawhna leh tharum thawha che tura midang fuihpawrh tumna ah an ngai tih an sawi.
Chanchin Thar Facebook-a silai a tin lai thla tarlan vangin Australia MP-in sawisel tawk
