Falkawn-a Covid-19 Testing Laboratory-ah vnimin thleng khan sample 202 endik a ni tawh a, Covid 19 hri kai hmuh an la awm lo.

0
38
views

SRHF – ZMC Covid 19 Taskforce Bulletin tarlan danin, vawiin khan Covid-19 laboratory-ah hian Sample endik a awm lo a ni. Durtlanga Women’s Polytechnic chuan vawiin khan Falkawn damdawi ina hman tur PPE 172, Shoe Cover 300 leh Protective Gown 120 an hlan leh a, Women’s Polytechnic hian a hmain PPE leh hmai tuamna thahnem tak an lo pe tawh a ni.

Falkawn damdawi ina Surgical Intensive Care Unit sak thar chu ZMC Director, Dr T. Lalhmangaihi hovin enfiah a ni a. He ward tharah hian khum pasarih a awm theih dawn a, mamawh dan a zirin Covid-19 damlo pawh enkawl theih tura peihfel tawh a ni. ZMC-a E-Learning Centre leh ICT Centre-ah ni tin MBBS zirlaite tan Theory Class leh Clinical Posting class kalpui reng a ni bawk.