Finance Minister, Pu Lalsawta’n Lottery kalpui zel dan tur chu State Lottery Committee-in a ngaihtuah a, an thutlukna ngaihchan mek a ni tih Zonet a hrilh

0
226
views

Finance Principal Secretary kaihhruaina hnuaiah State Lottery Committee hi din niin, tun hnai khan Lottery chu kalpui zel a nih tur leh tur loh an ngaihtuah a, an thutlukna chu an peihfel hunah a hnenah a lo thleng ang a, hei hi Chief Minister hnenah thawn chhawn leh a nih tur thu a sawi. Zawhna chhangin Pu Lalsawta chuan, lottery chungchang chu thil serious tak a nih avangin engtianga kalpui zel tur nge hriat theih ala ni lo niin a sawi a, hemi chungchangah hian State Lottery Committee-in rawtna a siam dawn a, tunah chuan engtin nge rawtna an siam a la hriat bik loh thu sawiin, an rawtnate chu thlir ho phawt a ni ang a, an thutlukna a zirin Sorkar-in ruahmanna a siam dawn niin a sawi.

Finance Minister chuan, Lottery chu State sum hnar pakhat zinga mi a nih thu sawiin, dan siam\hat chhoh a nih ve zel avangin Lottery a\anga State sorkar-in sum a hmuh pawh a pung chho ve zel niin a sawi a, CAG-in Lottery kalpuinaa Mizoram sorkar-in sum \hahnem tak a hloh anga tarlan pawh thil hriatchian loh vang nia sawiin, MNF sorkar lai khan kum 2006-07 chhung ringawtin Lottery Ticket hralhna a\angin cheng vaibelchhe 1,93,000 hmuh a ni a, heta \anga State sorkar-in sum a hmuh chu cheng vaibelchhe 2 chauh a ni a ti a, tun hnai kum 3 kalta 2012-15 chhunga Lottery a\anga Mizoram Sorkar-in sum \hahnem tak a hloh anga CAG Report-in a tarlanah kum 3 chhungin Lottery hralhna a\anga sum hmuh zawng zawng chu vaibelchhe 11,834 a nih thu leh heta \anga Mizoram Sorkar-in sum a dawn chu cheng vaibelchhe 25 a tling a ni a ti a, kum 2012-15 chhunga Ticket hralhna a\anga sum an hmuh aiin MNF hun laia kum 1 chhunga an sum hmuh hi a tam zawk daih chungin Sorkar-a sum lut erawh chu a tlem zawk daih niin a sawi.