Finance Minister, Pu Lalsawta’n nimin chawhnu khan Tanhrila Central Jail tlawhin an hmamawh leh harsatna an neih chinfel dan tur Jail enkawltute a sawipui.
Finance Minister hi Finance Secretary, Pu Lalnunmawia Chuaungo, Home Additional Secretary, Pu Lalbiakzama leh IG (Prison) Pu Sang\huama ten an \awiawm a, Central Jail-ah hian DIG, Prison Pu Lalthankima Sailo leh Central Jail Special Superintendent, Pu Lalrosanga Chhangte bakah Medical Officer, Dr. Lalhriatzuali Ralte ten an lo dawngsawng a ni.
Finance Minister hian Central Jail chhung dinhmun leh mamawhte hrechiang turin a hmun ngeiah a tlawh a ni tih a sawi a, Central Jail enkawltute nen Tan In hung chhunga hmun hrang hrang te fangkualin thil awmdan an enfiah a, Central Jail enkawltute chuan an dinhmun leh mamawhte Finance Minister hnenah hian an thlen a, Finance Minister chuan thil \ul zual tih theih awm te chu tih theih an tum dawn niin a sawi. Tun dinhmunah Central Jail-ah hian staff 136 awm turah 114 an awm a, tang 536 awm theihna tura duan nimahsela tun dinhmunah jail tang 638 an awm a ni. Tang zingah hian nausen pawmlai 4 tiamin hmeichhia 61 an awm a, midang zawng 577 te chu mipa an ni. An zingah hian damchhung hrehawm taka tang tur mi 33 an awm a, an chungthu ngaihtuah lai 292 leh thiamloh chantir tawh Convict 129 bakah thil tenauva thiamloh chanchin tawh mi 136 an awm bawk a ni.
