Fire & Emergency Services Department chhinchhiah danin, tun thla ni 1 a\anga nimin thleng khan Mizoram hmun hrang hrangah kangmei \um 80 a chhuak tawh a, \hal a in\an chhoh avangin mi tin kangmei laka fimkhur turin an ngen.

Fire & Emergency Services Department hotute sawi danin, kangmei chhuak zinga a tam ber chu inkharkhip chhunga a ruka ram kal, fimkhur leh si lote tih chhuah nia ngaih a ni a, leipui hal vang leh mei nung ngaihsak zui loh vangte, vutduk paih fimkhur tawk loh vanga kangmei chhuak pawh a awm a ni. Fire & Emergency Services Department hian ramri dep khua, Vairengte leh Bairabi-a nitin mamawh phur lirthei leh rel Mizorama lo lutte Covid 19 hri leng laka an fimhlim theih nan damdawiin an lo phuh thianghlim \hin a, State pawn a\anga lo hawte dah hranna, Quarantine Area leh anmahni lo enfiahna hmun, Screening Area te pawh damdawi hmangin an phuh thianghlim \hin bawk.