Food, Civil Supplies and Consumer Affairs Minister, Pu John Rotluangliana’n Mizorama eirawngbawlna Gas harsat chhan chu a phurtuten an phurh that duh loh vang niin sawi

0
421
views

Food, Civil Supplies and Consumer Affairs Minister, Pu John Rotluangliana’n Mizorama eirawngbawlna Gas harsat chhan chu a phurtuten an phurh \hat duh loh vang a nih thu a sawi. He thu hi Congress member, Pu TT Zothansanga zawhna leh zawhbelhna dangte a chhannaah sawiin, IOC kaltlanga Gas phurtu, Carrying Contractor- te rate chu a hniam lutuk avangin an phur \ha duh lova, a bikin Mizoram chan tur lakluhna ber Mualkhang Bottling Plant a\anga an phur \hat duh loh avangin harsatna hi a thleng mek tih a sawi. Pu John Rotluangliana chuan, Gas phurtu, Transporter-te chu Mizoram Sorkar lak ni lovin IOC lam lak a nih avangin State Sorkar tan tih vak theih a awm lo tih a sawi a, tuna a phurtute Contract chu kumin Sepatember thlaah a tawp tawh dawn a, a tlangpuiin an Contract hi thla 6 chhung pawhsei \hin ni mah se, tun \umah hi chuan pawtsei tawh lo turin State Sorkar-in a ngen angin pawh sei tawh loh an intiam tih a sawi. Transport Minister chuan, Mizoramin hnianghnar zawka eirawngbawlna Gas a dawn theih nan Gas phurh manah Support Price pe tura ruahmanna siam a nih thu leh hemi atan hian Finance Department-a cheng nuai 8 an dil chu pawm sak an nih tawh thu a sawi a. Tuna Mizoram rin rawl ber Mualkhang Bottling Plant chu Matric Tonne 100 chauh dahkhawl theihna a nih avangin a te deuh a, tunah hian Sairangah Matric Tonnee 500 dah theihna tur Bottling Plant thar siam turin IOC in hma alak mek thu leh hei hi tihhlawhtlin a nih hunah chuan hnianghnar zawka Gas hmuh theih beisei a ni a ti a. Gas Agency leh Petrol Pump pawh Mizoram hmun hrang hrangah a tam thei ang ber dah turin hmalak a ni a, hei pawh hi Company lam thuneihna ni mah se, a hlawhtlin theih nan Department-in theihtawp a chhuah zui zel tur thu pawh Pu John Rotluangliana chuan a sawi bawk.