Pu K. Lalrinliana hian Mizoram chu IOCL enkawl Borkhola leh Mualkhang Bottling plant in a chawm thu leh, Gas Agent ten customer an neih zat a\anga za zela 70 tal IOCL lamin an supply tur a nih laiin za zela 40 vel chauh thla tin an supply thu Union Minister hi a hrilh a, Union minister hian hmalakpui a lo tiam tih Sorkar thuchhuah in a tarlang a ni.
Pu K Lalrinliana hian Indane gas agent dah belh tur leh, company dang BPCL leh HPCL ang chi te Mizorama an luh theihna tura hmalakpui tur te, rel kawngin a chawm theih tur Bottling Plant leh tuialhthei chhek khawlna Oil Depot Mizorama din tura a ngenna chu Union Minister hian bawhzui anih tur thu a hrilh a, IOCL hnuaia gas phurtuten rate hniam vanga Mizorama tlan an hreh \hin chu enfiah sak tura a ngenna pawh Union Minister hian bawhzui a nih tur thu hrilhin, Mizoramin eirawngbawlna Gas-a harsatna a tawh chu a hmuna zirchiang turin Joint Secretary level tirh a nih tur thu te, amah ngei pawhin Bottling Plant leh Oil Depot din a nih thei nan a hmun en tura Mizoram tlawh a tum thu te a lo hrilh bawk tih Sorkar thuchhuah chuan a tarlang a ni.
