Pu Manuna chuan, tun laiah khawvel sik leh sa danglam zel leh leilung chhe tur ven nana plastic lam chi kalsan tura inzirtirna uar taka kalpui a nih laia Mizopa ngeiin Environment tichhe lo tur thleng leh no an siam leh state dang awt lo tura theihtawp an chhuah chu lawmawm a tih thu a sawi a. He industry neite hian Minister hi an hmalakna lo hrilhfiahin, an hnathawh hi AMC leh Planning Board hotute pawhin an tlawh tawh tih an sawi.
Tunah hian ni khatah thleng 3,000 vel chauh an la siam theih avangin order an hmuh sa pawh an pek sen loh thu leh khawl dang an chahbelh mek thu an Pu Manuna hi an lo hrilh a. AMC hotuten an tlawh \umin Mizoram chawm tur chuan siam khawl sa nuai 1 tal an neih a ngaih tur thu an hrilh chu tun dinhmunah la tlin rih lo mah se, theihtawp an chhuah mek tih an sawi.
