Aizawla motor nei zawng zawng, an lirthei dahna in, garage nei vek tura thuneituten an phut avangin garage nei loten garage siamna hun, ni 73 chauh an nei ta a, Traffic Management Coordination Committee thuchhuak angin garage nei lote hi garage sakna tur hun, nikum October ni 1 a\anga kumin November ni 30 thleng hi hun pek an ni a, ni 420 chhung hun pek an ni chung pawha motor dahna garage nei lote chungchang chu hun tiam ral hunah ngaihtuah zui a ni dawn niin he Committee hnuaia Working Group hotute chuan an sawi. Home Department-a Additional Secretary, Pu Lalbiakzama kaihhruai, Working Group leh Aizawl Municipal Corporation hotute chuan hemi bawhzui dan tur hi tun kar chhung hian an ngaihtuah dawn a, Aizawl khawpui chhung veng hrang hrang Local Council hotute pawh an tel ang a, Local Council hian an veng chhung \heuhah lirthei chi hrang hrang neitute leh garage nei leh nei lote an enfiah ang a, chuta \ang chuan garage nei lote chungchang chu ngaihtuah zui a ni ang. Puan tawh angin Working Group, tun thla ni 13-a \hukhawm chuan Aizawl khawpuia lirthei tawt lutuk tihziaawm nana intlan chhawktir dan tur a rel a, sorkar motor leh mimal motor-te pawh an intlanchhawk ang a, mi pawimawh zualte ngaihhnathiam dan tur pawh an ruahman a n
