Goa Mizo Welfare in thuchhuah siamin Goa-a hnathawk tura kal tumte chu harsatna an tawh loh nan zirchiang hmasa turin thurawn an pe

0
1148
views

Goa Mizo Welfare in thuchhuah siamin Goa-a hnathawk tura kal tumte chu harsatna an tawh loh nan an hnathawhna tur company zirchiang hmasa tur leh rintlak an ni em tih enfiah hmasa tur te, an hnathawh dan tur leh himna tur a awm em tih tih te, awmna tur in an thawhna tur company-in a pe dawn em tih te zirchiang hmasa turin thurawn an pe a, Goa-ah hian in luah man a san thu leh luah tur zawn hmuh mai a harsat thu te sawiin Goa-a hnathawk tura an fate kal tir tur nu leh pate chu fimkhur tur leh kum tlinglo kal tir lo turin an ngen a ni. Goa-a hi zin veivak mite kal khawmna a nih avangin Goa-a inhlawh tam ber chu Casino, Hotel, Resort, Parlour, Spa leh Saloon-ah te a ni tih sawiin tun hnaiah Mizoram a\anga inhlawh tura Goa-a kal harsatna tawk an awm thu te, mi \henkhat Mizo hmai tibal deuh an awm thu te sawiin, Mizote hmingchhiat loh nan nundan leh chetziaa fimkhur turin turin an ngen a, Pathianni apianga chawhnu dar 2:30-a North Goa-a leh South Goa-a Mizo inkhawmnaa tel \hin turin an sawm a, Goa Mizo Welfare Association hruaitute phone number pawh nei vek turin an ngen a ni.