Tunhnaiah CADC politics boruak a buai hle a, tun hnaia zawhfel tak CADC thlasik \hutkhawmah Chairman nilai leh Chief Executive Member te chu rintawk lohna motion hmanga paihthlak an ni a, Eptu party-a \hu \hin, MDC 7 nei, MNF chu Congress ticket-a thlantlin MDC 4 ten an zawm tak avangin hruaitu atana an thlan Pu Rasik Mohan Chakma chuan sorkarna siam theihna khawp thlawptu a neih thu a sawi a, Pu Rasik Mohan Chakma hian thlawptu a ngah tawk em tih fiah a ni dawn ta a ni.
BJP leh Congress te chuan sorkar dinglai paihthlak danah dan palzuta thil tih a awm niin an sawi ve thung a, BJP Mizoram Pradesh President Prof JV Hluna chuan vawiin khan Larsap hnenah lehkha thehlutin, floor test neih hun tur hi sawn a dil a ni. Prof JV Hluna chuan floor test neih anih tur thu hriattirna hi danin a phut angin MDC ten an dawng kim lo nia sawiin, hriattirna tih chhuah a\angin ni 10 tal a tlak a ngai a ni a ti a, Floor test neih hun tur chu sawn tur leh, sorkar fiahna mumal tak a awm hma chuan CEM nilai Shanti Jiban Chakma chu a mawhphurhna chelh chhunzawm tir rih turin a ngen a ni.
