Govt. Aizawl College-in vawiin khan Lal Thanhawla Auditorium-ah Graduation Day hmang

0
672
views

Govt. Aizawl College-in vawiin khan Lal Thanhawla Auditorium-ah an College a\anga chhuak tur zirlai thlahna, Graduation Day an hmang a. A hmanpuitu IAS (Rtd), Pu Clement Liankunga chuan, Mizo zirlai zinga Central Service-a inziaktling an tlem tak nachhan chu intihhlimna leh huau huau Programme tam lutuk vang nia a ngaih thu sawiin, hmasawn tura \anlak thar a \ul a ni, a ti a. Pawl leh Kohhranah pawh zirlaiten a tawka chauha inhman nachang an hriat a \ul tih a sawi bawk. Vawiina Govt. Aizawl College a\anga chhuak tur BA leh B.Com Exam zo tharte thlahna inkhawm hi an College Vice Principal, Dr. Lalthansangi’n a kaihruai a, Principal Pu Lalremliana’n inlawmthu sawiin, Associate Professor, Pu Robert Laltinchhawna’n zirlaite thlahna thuchah a sawi a ni. Vawiina zirlai thlah takte hi an vaiin mi 247 an ni a, Govt. Aizawl College-ah hian zirlai 1,069 an awm mek a ni.