Thusawiin Minister chuan \halaite tan sorkar hna hmuh a harsat avangin mahni kut leh kea ding thei turin Management lam an thiam a ngai a ni a ti a, zirna line pangngaiah degree sang tak tak nei tan pawh hna hmuh a harsat tawh avangin mahni kea din theihna tura management zirna J. Thankima College-in a hawng chu \angkai taka hman tum turin zirlaite a fuih a ni.
College Principal, Prof. C. Lalremruata pawhin thusawiin, Govt. J. Thankima College chu sorkar College zinga management course hawng hmasa ber a ni tih a tarlang a, Art subject lama tlan hum hum hi a fuh tawh lova, chuvangin tunah chuan management lama hmalak a \ul tawh niin a sawi a, he course hi anmahni College-in sum intum chawpin an kalpui rih niin a sawi a ni.
Management –Tech Meet Var\ian 2019 Govt. J. Thankima College-in a buatsaih hian ni hnih chhung a awh dawn a, Technical session vawi 4 neih turah mithiamte leh sumdawn lama mi hlawhtlingten an thuziak a\angin thil tihdan tur an tarlang dawn a ni.
