Govt. Lumpsum Grant-in-Aid Higher Secondary School 9 ten Adhoc Grant-in-Aid dinhmuna hlankai phuta lungawilohna lantirna tura an veng chhung paltlang kawngpui an danpin chu nimin chawhnu atang khan Mizoram pumah tihtawp vek a ni.

0
266
views

Govt. Lumpsum Grant-in-Aid Higher Secondary School Joint Student Union President, Pu J. Lalrorela hnen a\anga ZONET thudawn danin Govt. Lumpsum Grant-in-Aid Higher Secondary School 9 te awmna khaw hrang hrangah chuan an school \heuh khar zui zel a nih bakah sorkar pisa kai tur dan chu chhunzawm a la ni a, amaherawhchu, hemi avang hian buaina chhuak a awm lo nia thudawn a ni. Zawhna chhangin Joint Student Union President chuan an thilphut chungchangah nimin khan Finance Secretary, Pu Lalnunmawia Chuaungo an hmu tih a sawi a, Govt. Lumpsum Grant-in-Aid School te \anpuina sum kumtina sorkarin a pek \hin tihpun tumna awm chu an duh khawp loh thu leh an thil phut chu Adhoc Grant-in-Aid-a hlankai a ni tih sawiin, an thilphut nawr zui zel dan tur chungchang chu tun kar Ningani, August ni 2-ah Aizawlah inhmukhawmin an sawiho dawn niin a sawi a ni.