Hachhek Constituency Development Committee-in vawiin khan Aizawla MZP Conference Hall-ah an huam chhung khaw hrang hrang Welfare leh zirlai pawlte nen inkawm hona a buatsaih

0
434
views

Hachhek Constituency Development Committee-in vawiin khan Aizawla MZP Conference Hall-ah an huam chhung khaw hrang hrang Welfare leh zirlai pawlte nen inkawm hona a buatsaih a. An pawl President, Pu Lalzawna Pachuau chuan, Political Party tinte hnena an lo ngen tawh angin kumin kumtawp lama Assembly inthlanpui neih turah an bial chhung mi ngei leh Zohnahthlak ngei Candidate a dah turin Party tinte an ngen nawn tih a sawi a. An bial mipuite chu party politics atchilhna leh inchirhthehna hri chhia bansan ngam tura sawmin, zirna leh sumdawnna lamah harh thar a \ul thu a sawi. Pu Lalzawna Pachuau chuan, an huam chhunga ramte chu a \hat avangin hmun dang a\anga an lei nasa thu a sawi a, hetiang zela hmun dang a\anga an ram leisak an nih chuan nakin zelah an tu leh fate tana pawi thei a nih avangin an humhalh \hat a tul thu a sawi bawk. He inkhawm hi HCDC General Secretary, Pu Lalvansanga Pautu-in a kaihruai a ni.