Vawiin khan Synod Office Devotion Room-ah Documentary Film ‘|halaite leh tunlai khawvel’ OST Music Video pahnih chu Synod Moderator, Rev. Lalzuithanga’n a tlangzarh. Tlangzarh inkhawmah hian Campus Ministry Director, Rev. Lalchungnunga’n Documentary Film leh OST Music Video an buatsaih chhan sawifiahin, Documentary film tihchhuah tur tihlarna atan OST Music Video an siam dan te a sawi a, Synod Moderator chuan zirlai leh mipui nun hruai nan leh kawng dik zawh zel tura cho nan, Pathian hnenah hlanin a tlangzarh a ni.
Campus Ministry hian zirlaite dinhmun dik hriat chiana tanpuina kawnga hmasawnna a awm theih beiseiin Documentary Film ‘Thalaite leh Tunlai Khawvel’ tih a siam mek a. He documentary film atan hian zirlaite harsatna te, an hmathlir leh eizawnna lama harsatna awm thei te, anmahni hnen atang leh mithiam, hetiang lam veitu thenkhat te kawmin, zir chian a ni a. He zir chianna hi Film tawia siamin, zirlaite bakah nu leh pa, sawrkar, khawtlang leh Kohhran hoten zirlai/thalaite harsatna sut kianpui theihna kawng a awm beiseiin, en theih tura tihchhuah tum mek a ni. He zir chianna atan hian AVI DYNAMICS (Team) te hman an ni a, anni hian zirlai hrang hrangte kawm kualin Video Interview an nei a. Chung atanga thil lo lang a\ang chuan Documentary Film hi siam a ni ta a, hun rei lote-ah tlangzarh theih beisei a ni.
