A hawnna inkhawm buatsaih hmanpuitu Sports Minister Pu Robert Romawia Royte chuan, Kum 2009 hnua Mizoram Bharat Scouts & Guides rally buatsaih leh na a ni chu a hlu hle tih a sawi a, Bharat Scouts & Guides ten an inkaihruaina leh thil tum te an hriatchian a duhthu a sawi a, midangte tana nun leh \henawm khawveng te laka tihtur an neih te, midang \anpui tu an nihna te chu hre reng tura a duhthu a sawi. Pu Robert-a chuan, Scouts & Guides te chu khawvel pumah kalphung nghet tak nei, ram hrang leh hnam hrang inkarah pawh danglam lo, inpumkhatna \huikhawmtu pawl a nih na chu vawngnung reng tur leh Scout & Guide tam zawk an awm theih nan sorkar pawhin hma lak a tul thu a sawi a ni.
Mizoram Bharat Scouts & Guides State Rally neih chhung hian inelna hrang hrang March Pasts, Folk Dance, Quiz, Pioneering Project, Food Plaza, Pageant Show, Painting Competition leh thil dang hmangin neih a ni dawn a, hei bakah Adventure activities leh Rally Friendship Games te buatsaih a ni dawn a ni.
Inkhawm hi Mizoram Bharat Scouts & Guides State Chief Commissioner Pu Lalsangliana’n a kaihruai a, Sports, Youth Affairs & Tourism & ICT Development Board Vice Chairman Pu T.C Pachhunga, Deputy Camp Chief Pu Rosiamliama Ralte ten thu an sawi bawk.
