Fakselna June 27th, 2018

0
547
views

Lalduhoma leh a hoten party hrang hrang an zuan lawr hnu, MNF party-a Babutea a khin hneh loh hnua MNF ‘N’ a din hnua ZNP a tih leh tak hnu tun thlenga, hmana mipui hnawl leh duh tawh loh hnu PC party mi tlemte te nen \anghova ZPM an din hnu leh tun thleng hian amah zuitute hian Social media-ah \an an la nasa hle a. Mi tlemte te thawm hi a ri ring viau a ni.
Social media hrang hrang leh Fakselnaah te thleng hian an thawm hi an tiring viau mai a. An thawm a\ang ringawt chuan Uncle Hawla leh Babutea tan chuan zam rum rumna tham a ni hial awm e. Mahse thawm chauh nei, a tak hmuh tur awm lo, tang thawm kan tih ang chauh kha an ni e.

Social media lamah te \an la vakin an Pu Lalduhoma hi CM atana mipui duhtu tam ber ang ten an lantir a, mahse a tak takah chuan MLA-ah pawh a tling leh thei si lo hi engnge a chhan ni ta ang le?
David M Zadeng
————-

Sialsuk tlang phul mawi leh hmingthang tak, khuanu duan sa, mi tin tana len khaw thawnna nuam lutuka thingphun kha a ram neitute khan an va phal zawk ve aw. Khatiang phul mawi siam tur khan sen tam a ngai ngawt ang le.
Ka ui thu ka rawn auchhuahpui ve e.
Lucas-a pu
————-

Zu zuar sorkar hian zu hi ruihhlova an ngai lo a nih chuan sawi sawi ve chi an ni lo.
9862117705
————-

ZONET Local Channel tam zawk hi a volume a hniam lutuk a, mahni TV-ah pek san vak a ngai a, lo theihnghilh palha channel dang han hmeh hian a ring vak \hin a, hei ai hian inrawn pe ring thei lo’m ni? A tih zawih lam chu a har chuang lo a nia.
8794519384
————-

Hman deuha rangkachak an man te kha an halral zo ta emaw ni le, a va reh ta ve.
8974797283
————-

Kan ramah hian kawng siam leh sawhthing buaipui dan hi inanna a nei tlat. Kawng pawh a siam chu an siam ve ngei a ni lo’m ni? A siamna tura sum ruahman zat leh a siam nana an hman tak tak zat chu thuhran nise.
Sawhthing pawh a hminga ngaihtuah anga lan ve nan an han che ve lawk a, sawhthing nei ten an chawh zawh meuh chuan rate a lo awm mumal leh tawh lo! Sorkar lah chuan a enzui chuang lo.
In leh lo din theih inbeisei ve chunga kumtluana thawktute chuan kg 1 cheng 7 velin an hralh a lo \ul ta a, a buaipuina man zawng zawng chhut chuan ni 1-ah cheng 10 pawh patlingin an hlawh phak lo! |ah a chhuak vawng vawng.
Kuta sum fai inpek ai chuan an tharchhuahte hi man man zawka hralhna awm se kan ram kuthnathawktute chu an dingchhuak zawk ngei dawn si a, mahse chu chu sorkar kal duh dan a ni si lo!
Rama, Serchhip
————-

Vanglaini Article Pu Zobiakvela ziah a\anga lo lang kha chu MLA Candidate te tan hian cheng nuai 40 a\anga 60 vel neih a ngai dawn tihna a ni. Congress MLA ho hi chu an hausa tawh bawk a. NLUP pawh MLA Constituency pakhat zelah chhungkaw 400 hnehah nuai khat an sem leh dawn bawk a. Campaign a hautak dan tur hi ngaihtuah chiang ila, “Chakna ni lovin thil tihtheihna ni hek lovin, ka thlarau zawkin le,” tih nun hi Mizo mipuiten kan neih ngam a ngai a nih hi. Pu Masena Article kha a \ha ka ti hle.
Zarzoliana
————-

Zu zuar chunga RUIHHLO DO han buaipui chiam mai hi chu a inhmeh rem \euh lo mang e.
RK Sanga
————-

Chawnpui Bethel Center chu a mualpho leh ta maw, mak thei ngei mai. Nunna hi a hlu asin le. Pi Vanramchhuangi te hi an ngawi thei hle mai, nunna engzat tak la ral ang maw?
9862322234
————-

PHE Minister khan an sorkar \an tirh khan ‘kar khatah tui vawi hnih kan sem ang kha a ti kha a nia, teuh lo mai!
SANGA
————-

Tukin Pu PL-a thuziak hi belh leh paih tur awm map lo khawpin a \ha a nih hi. Kan khawvel lalhote hian eng tihmah an hrehin an zak lo a ni mai lova, tunlai khawvel atan pawh an zahpuiawm thlawt a ni. An paurau lam hrat chu a nih hi. An zak therte lo hlawm lehnghal. Kan ram phurrit hi theih nise patla liana khai chhin theih ni ta se la…
8794680484
————-

Vanglaini chanchinbua ZPM Vice President-in Mizo mipuite mamawh chhanna kan ni tia a sawi hi India ram state-ah pawh ram rethei ber, nu naupai laite nena chhutin mi pakhatin cheng sing sarih \heuh leiba nei ang kan nih laia, Mizo mipuite mamawh min lo phuhruk sak \hin tawh nge, rin thil thu mai zawk? Bible-in “Amah chu ring la, Aman a ti vek ang” tia a lo sawi ang khan keini, Pathian leh kan ram tan titu party-te chuan Mizo mipuite mamawh min phuhruk sak theitu leh min khaichhuak thei tur chuan engkimtithei Pathian chauh lo chu innghahna dang kan nei ve tlat lo.
Tlabung Uitangrual
————-

ZPM chu mipui rin dan a dik chho \an ta. An din tirh a\ang khan party pakhat kha an bei nghal chata. Ngaihbel theih turin Congress nen blood group inang kan ni titu kha CM turin an chhawp chhuak ta chiah reng a. CM tura an chhawp chhuah lah kha Congress nen an thawh dun laia Pu Rama nuihza siam nana hmang chiamtu kha a la ni leh zel bawk nen. Tun a\ang chuan mipui hian rilru kan siam a pawimawh ta hle a ni. Congress tlin leh theihna tura party din hi i hnawl ngam teh ang u tiin Zoram mipuite ka ngen che u a ni.
8259004227
————-

Sikula chawchhumtute lawmman tlem te hi chu kan sorkar hian a hun takah pek tum hram teh se. Tunah April leh May an la tawh lova, June thla lah chu a tawp \ep tawh bawk si. Heti em ema sorkar chak lo lutuk mai chu a mak zawk khawp mai. Sorkar hmasa hunlai khan a hunah an la thei zel. Tin, SSA zirtirtute hlawh pawh thla thum dawn an pe lo leh tawh. Chutih laiin SSA hlawh a hniam mai thei an lo ti bawk nen, nupui fanau chawmte tan rilru a nuam lo duh hle ang. Central sorkar tum bak hi state sorkar hian tam tham deuh tum sak se, an hlawh hi tih san sak ve hram teh se. Zirna kawngah regular teacher-te ai mahin an hah fe zawk bawk. Sorkarin 7th pay hman a tum laia an hlawh lo tihhniam hi a fuh thlawt lova, an hlawh hi sang ve ngei se a \ha ang.
No. Thup
————-

Ruling paih thla tur pawha inthurual thei lo, a hrang \heuha paih tum ho hi misual, mahni hmasial mai mai vek in ni.
Lalthawvenga
————-

NLUP \ha ka tih viau \hin kha ka ngaihtuah chiang a, kum 5 chhunga nuai khat dawn theihna a ni a, SAWHTHING kg 1 Rs. 50/- chauh pawhin min leisak ta se la, kum khatah quintal 20 lek pawh thar ila nuai khat man chu a lo ni reng mai. Quintal 20 thar tur hian \in chanve hmun bak a ngai hauh lo. Chuvangin hawh u, lo neia eizawngtute u ZPM lam i hawi \hup ang u. Tichuan, inthlan leh hun chuan party tinin sawhthing an inlei huai siak dawn nia. Politics eizawn nana hmangtute hi eizawn nan kan hmang let ve tawh dawn nia.
C. Lala
————-