Dr R Lalthangliana chuan, Mizoram a Sub-Centre 313, PHC 57 leh UPHC 8, te chu kum 2022 hmain Health & Wellness Centre-ah hlankai hman vek tum a nih thu te, nakum March ah chuan Sub-Centre 49, PHC 56 leh UPHC 8-ah hmalak theih beisei a nih thu te a thlen a, rampuma AB-PMJAY Healthcare Scheme kalpui mekah chhungkaw pakhat tana an thawh ve tur premium Rs.1052 a chawhrual a ni chu hmarchhak state tan ennawn turin a ngen a, national Helth Mission pawisa tun aia tam zawk Mizoram tana ruahman sak tur te, kum upa zawk te hospital hrang hranga an awmna tur bik khum siamna atan Mizoram sorkar hma lak dan te leh sum mamawh belh turte a thlen a, Tertiary Cancer Care Centre, Zemabawk a dinna atan sorkar laipuiin cheng vaibelchhe 44 a pawm tawh chunga cheng vbc. 14 vel chauh pek chhuah a ni leh a bak la pek chhuah loh te pe thuai turin a ngen a ni.
Cheng vaibelchhe 49 senna tur Mizorama Mental Hospital dinna tur DoNER-a dil tawh chu a hlawhtling theihna tura hmalakpui turin Dr R Lalthangliana hian a ngen bawk.
