Health & Family Welfare Department bul tumin World Mental Health Day hman a ni

0
260
views

Health & Family Welfare Department bul tumin Chanmari YMA hall-ah vawiin khan World Mental Health Day hman a ni a, thupuiah ‘Rilru Hriselna; Hnathawhna Hmunah’ tih hman a ni a, a hmanpuitu, Health Minister, Pu Lal Thanzara chuan, rilru lama harsatna chu natna dang nen a inang reng tih sawiin, mi thiamte rawn nachang hriat a pawimawh hle a ni, a ti a, tupawhin an hnathawhna hmun chu hun hman tamna ber a nih avangin inpawh tlanna, lungrualna leh rilru hriselna nena hna thawhho chu thil pawimawh tak a ni, a ti bawk. He ni puala extempore speech inelna buatsaihah RIPANS zirlai, Lalrosangi chu pakhatna a ni a, Health Worker Training School zirlai, F.Lalbiaksanga chu pahnihna, Lalremruati Fanai, Mizoram College of Nursing zirlai chu pathumna a ni. District Mental Health Programme bawhzui \ha – Siaha District, Aizawl leh Champhai District-te chu lawmman hlan an ni bawk. World Mental Health Day hi kum 1992 a\ang khan khawvel pumah hman a ni a, rilru hriselna chungchang zirho \hin a ni.