Health Minister Dr. R. Lalthangliana hian ni 7 tlanga Adventist Hospital pawh tlawhin sorkar-in Health Care Scheme thar kalpui a tum dan a hrilhfiah a. A tihlawhtling turin private damdawi in leh kohhran damdawi in te nen thawh ho a pawimawh dawn a ni a ti.

He scheme hnuaiah hian chhungkua a hotu ber hmingin inziahluh theih a ni dawn tih Dr R Lalthangliana hian a sawi a, ration card a chhungkaw member zawng zawng a huam dawn a, chhungkaw khat tan kum 1 ah cheng nuai 2 thleng inenkawlna senso hmuhlet theih a ni dawn tih a sawi a, Damdawi in-a damlo enkawlna bill bat ang chi a awm tawh dawn lo a ni a ti.

Mizoram Health Care Society CEO Dr. Biakthansangi, pawhin thusawiin Mizoram Health Care Scheme thar chu Ayushman Bharat Pradhan Mantri Jan Arogya Yojana (AB-PMJAY) nen a hrangin a kal dawn tih a sawi a, Insurance Company hmang tawh lova Health Care Society in Trust mode-an tih anga kalpui tum a ni a ti.

Damdawiin pahnih a tlawhnaah hian Dr R Lalthangliana hi MLA 2 Dr. Z.R Thiamsanga leh Prof F Lalnunmawia ten an \awiawm a ni.