Health Minister Dr. R. Lalthangliana’n Covid 19 hri leng mek doletna tura hmanraw mamawhte chah belh zel a ni a ti a, Rapid test kit sing khat, Scanner 235, 3 layer mask nuai khat, Hand sanitiser 12,750 leh kutkawr nuai 1, chah belh mek a nih thu a sawi.

Chief Minister Pu Zoramthanga hova hrileng mek do hna thawh mek dan leh inkharkhip chhunzawm dan tur vawiina sawi honaah Dr Thangtea hian tun dinhmuna Mizoramin hmanraw mamawh a neih mek te a sawilang bawk a, PPE 5,251, N-95 Mask 16,925, mit venna, goggles 2,650, Lukhum damlo enkawltu te khum chi 12,647, pheikhawk tuamna 4533, kutkawr \hahnem tak, 3 layers mask 24,904 leh Viral Transport Medium 707, sorkarin a nei mek tih a sawi.

Covid 19 vei enkawlna turin Mizoram pumah Sorkar leh mimal damdawi In ah khum 1,607 ruahman a ni tih Dr. Thangtea hian a sawi a, Mizoramin he natna vei a neih chhun, enkawl mek chu a dinhmun a \ha tih a sawi.