Nimin a Covid 19 laka Mizoram a him theihna tura zin veivak endikna hmun Kanhmun check post-a tlawhnaah Dr. Thangtea hian, Police lam indaih lohna te, thawktu indaih lohna leh rinhhlelh dah hran lailawkna tur chungchang te, thawktute chawlh hahdamna tur leh Ambulance te sorkarin a ngaihtuah nghal tur thu a sawi a. Kanhmun check post ah hian medical lam, Police leh tlawmngai pawl te darkar 24 an duty a ni.
Dr R Lalthangliana hian health worker 82 te kaisanna hmun ruak hnawhkhah hman anih loh avangin tuna Mizoramin harsatna a tawh mekah indaih lohna a nasa zual tih a sawi a, Health Worker 200 vel leh Nurse 150 vel lak theih thuai beisei a nih thu sawiin kum 2023 hmain Sub-Centre 300 chuangte dinhmun sang zawka dah hman vek sorkarin a tum tih a sawi a, Mamit District pawh sorkarin a ngaipawimawh tih sawiin District Hospital sak that nan sum pawh dah a ni tawh tih a sawi.
Health Minister ho hian Mamit district DC, SP leh Doctor ten hri leng chungchang thil pawimawh te an sawi ho a ni.
