USA a cham mek Dr. R Lalthangliana hian UNAIDS-a an International Director Pi Regan Hofmann leh a thawhpuite hmuin Mizoramin HIV, AIDS avanga harsatna a tawh dan a hrilh a, Mzioramin harsatna a tawh chu hriatthiampui a, HIV AIDS a punlun zel lohna tura rintlak lehzuala an thiamna, hmanrua leh sum leh pai te Mizoram tana hmang turin UNAIDS hotute hi a ngen a ni.
UNAIDS hotute chuan a theih ang anga Mizoram tan theihtawp chhuah an tum thu an lo hrilh a, hun reilote hnuah Mizoram sorkara Official-te nen hmalak dan tur sawiho \ha an tih thu leh US sorkar pawh lo sawipui a tum thu UNAIDS Director Pi Regan Hofmann hian Dr Thangtea hi a hrilh a ni.
Dr. Thangtea hi John Hopkins Programme for International Education in Gyneacology and Obsteterics hotute nen an \hukhawm bawk a, JHPIEGO project hmanga Mizorama hmalakna chu a \ha thei ang bera kalpui a tum thu a hrilh a ni.
JHPIEGO leh Sorkar laipui \angkawpin USAID Fund hmanga Mizorama hma an lakna ah hian Health & Wellness Centre din chhoh mek a ni a, Mizorama Sub- Centre te ti changtlungin, B.Sc Nursing Graduate awpna hnuaia kalpui tum a ni a, hmanraw \ha zawk nena thuamin PHC te pawh tih changtlun tum a ni. Health minister hian USA-a World Bank hotute leh India Embassy hotute a kawm bawk a ni.
