Health Minister, Dr. R. Lalthangliana’n quarantine facility-a khunghran mek, naktuka chhuak tura ngaih tawhte chu ni 7 dang an awm chhunzawm a tul dawn tih a sawi.

0
132
views

Vawiina Chief Minister hova inrawnkhawmna neihah Quarantine hun chhung ni 14 atanga ni 21 thlenga pawhsei chu hman nghal tur anih avangin, quarantine facility hrang hranga khunghran mek, naktuka chhuak tawh tura ngaihte pawh ni 7 dang an awm chhunzawm a ngai dawn tih a sawi a, quarantine facility atanga chhuak hlim te pawh in lamah uluk taka ni 7 chhung mahni dinhmun invil zui turin a chah a, chhungte nen la intlawhpawh rih lo tur leh fimkhur taka awm turin a chah a, hemi chungchanga inkaihhruaina pawh a rang thei ang berin kimchang zawka tihchhuah a nih tur thu a sawi.

Health Minister chuan mipuite, a bikin damlote chu chi-ai lo turin a chah a, mipui kharkhip chhung hian Mizoram sorkar hnuaia daktawr zawng zawngte chu an office phone number leh an mimal phone number ah a mamawhtuten an be pawp reng thei dawn tih a sawia a, Mizoram sawrkar hnuaia daktawr zawng zawngte chu damlohna leh harsatna nei an nih loh chuan anmahni post-ah theuh awm a, mipuite zawhna an dawn te hawihhawm taka lo dawngsawng turin Health Minister hian a hriattir bawk a ni.