ZMC-a zirlaite tan hian Department hrang hranga Teaching staff-ten an remchan dan ang angin online class hi an kalpui tawh a, tun hnaiah inkharkhip pawh sei a nih avangin changtlung zawka class kal pui dan tur sawi ho a ni a, ruahman dan chuan karleh Thawh\anni a\angin ICT Department nena \angkawpin ni khatah subject hrang hrang class tam leh zual leh changtlung zawka neih tura ruahman a ni.
ZMC-ah hian Doctor zirlai 1st year leh 2nd year 198 an awm mek a, subject hrang hrang Anatomy, Physiology, Biochemistry, Pathology, Microbiology, General Surgery, General Medicine, Community Medicine, Obstetrics & Gynaecology, Pharmacology leh Forensic Medicine te a awm a ni. Online hmanga Class kalpui dan tur sawi honaah hian Health Department, Zoram Medical College, ICT Department leh BSNL aiawh te an tel a ni.
