Tun season kal meka beisei phak lo Aizawl FC hian Minute 51-naah Ansumana Kromah Goal thun hmangin hma an hruai a, Lalkhawpuimawia chuan minute 63 naah goal thun belhin, minute 70-naah Rochharzela’n Goal khat dang a thun belh ve leh a. Aizawl FC hian si 3 faia hnehna an chang dawn nia a lan hnuah hun pekbelh minute 93-naah mikhual team tan Joel Subday chuan Goal khat a thun a, minute khat a liam hnuah Joel Sunday bawk hian Penalty hmangin goal 1 dang a thun belh leh a, a tawpah Aizawl FC chu 3-2-in an chak hram a ni.
I league champion hlui, Aizawl FC hian tun season-ah beisei a phak lo hle a, tihian vawi 10 khelh-ah Point 9 hmuin, table-ah 9-naah an awm mek a, an hnuai chiaha awm Indian Arrows chuan khelh 8-ah point 7 an hmu a, table mawngphaha awm Shillong Lajong chuan khelh 9-ah point 4 an hmu tawh thung a ni.
Aizawl FC hi kum thar January ni 5-ah an hnuai chiaha awm Indian Arrows chu an mikhual leh dawn a ni.
