Vawiin a Assembly a Chief Minister Pu Zoramthanga budget pharh tak chungchanga an ngaihdan thuthar thehdarhtu \henkhatin an zawhnaah he thu hi sawiin Pu Zodintuanga chuan, Budget chu chipchiarin takin la zir hman lo mahse CM thusawi a\angin Budget thar tur hian mipuite hnen a chhiah lak tam leh mipuite hrek a kawk a ni a ti.
State-in chhiah a\anga sum a lakluh a hma aia a pun thu Chief Minister in a sawi lan chungchangah sorkarin sum enkawl kawnga kal ngaihna a hriat loh zia ti a ti lang a ni a ti a, nikum budget speech-a KHAWNPUI a sawi pawh a hmanna khawiah nge tih chu an zawhna a nih thu sawiin tun \um budgetah hian KHAWNPUI hi a awm ta lo em ni tih chu mipuite thlir tur nia a hriat thu a sawi. Pu Zodintluanga chuan, Finance Commission 15 na in kum 5 kaltaa sorkar sum enkawl dan a tarlang chungchangah Congress sorkarin sum enkawl a thiam zia a rawn sawi ti lang nia sawiin lawmawm a tih thu a sawi a ni.
