Hri leng avangin Loneitute hian kum dang angin lawm an inruai thei lo a, mahni chhungkua theuhin an loah buh hi an tuh a, Thawhtanni atanga riak lut tawhte pawh kha an awm a ni. Vaihlo, Sawhthing leh Hmarcha, nikum lama an thar, hri leng avanga hralh thei lo, loneitute pawh khaw thenkhatah an awm a, East Tuipui Assembly bial lamah chuan hri leng avanga ei turah harsatna an tawh loh nan buh thar rang leh vaimim te kum dang aiin loneituten an ching uar a ni.
