Mizorama ar vulhtu pawl, AMPFA hruaitute hian vawiin khan Aizawl Press Club-ah thuthar thehdarhtute kawmin Vairengtea Ar sa zuar ten Ar vulh anga an insawi chu a hmunah an enfiah tawh nia sawiin, ei zawn na atan a hmang an awm lo tih an hmuchhuak niin an sawi a, Assam ram chhunga Noksa hmunah vulh nia an sawi pawh a hmuna an fianfiah hnuah hnam dang ho Ar vulh vek a ni an ti.
AMPFA hruaitute hian tun thla ni 6 a Trade & Commerce Department nen Joint Meeting an neih \uma an thutlukna angin tun thla ni 30 thleng Mizoram pawn a\anga Ar lak luh theihna permit pek chhuah loh nise an tih a ni a, heti chung hian mi\henkhatin Ar an tawlhlut reng tho niin an sawi a, state pawn a\anga lo lut vang hian a hunah an Ar vulhte an hralh theih loh phah \hin tih sawiin, sum tam tak an chan phah a, leiba tam tak an neih phah bawk \hin tih an sawi.
Mizoram pawn atanga Ar a rawn luh hian Arsa man a tlawm phah lo niin Mizorama ar vulhtute hian an sawi a, phai a\angin dan lova thawnluh awm lo se Mizoram chu Arsaah a indodelh thei tawh a ni an ti. AMPFA hotute chuan, phai lamah Ar chaw leh Ar te man a tlawm avangin rate tlawm zawka Mizorama thawnluh a harsa lo tih an sawi a, Mizoama Ar vulhtute aia rate hniam zawk zela an hralh theih laiin Mipui te erawh chuan arsa tlawm zawkin an lei theih phah chuang lo niin an sawi.
