Tunhnaia Sokar laipuiin MZU Southern Campus din phalna a pek chungchangah ZONET zawhna chhangin Pu Thangtea chuan, MZU Southern Campus chu a theih anga ranga tihpuitlin thuai a nih theih nan hmalak a nih tur thu a sawi a, ram awm nghal lo mahse Lungleia Engeneering College sak mek chu peih a nih hunah lo luah lailawk theih a beisei thu a sawi a ni.
Pu Thangtea hian MZU southern Campus a awm theihna turin kum 10 chhung chhim biala pawl hrang hrang leh MLA ten theihtawpin an lo bei tawh tih a sawi a, Higher & Technical Minister a nih hnuah sorkar laipui HRD Minister pawh \um 3 a lo sawipui tawh tih sawiin, hlawhtlinna an hmu thei dawn ta chu lawmawm a tih thu a sawi a, Pu Thangtea chuan, USA a kal dawn tumin HRD Ministry hotute a hmuh hnuah chhim lama MZU Southern Campus din chu HRD Minister-in a pawmpui tawh thu thawktuten an lo hrilh a, Order pawh an tihchuah sak nghal tih a sawi. Pu Thangtea chuan, tuna MZU a subject kalpui ang ni lo ramdang pawhin an neih subject \ha te chu kalpui ni thei se tih sorkar laipuiah rawtna a thlen tih a sawi a, MZU Southern Campus dinna tur hian Mizoram sorkarin sum a sen a ngaih a rin loh thu a sawi.
