Hmar Students’ Association, Sinlung Hills Joint Headquarters-in Lumsump Aided Higher Secondary School 9-ten dinhmun sang zawka hlankai an phut chu awm an tih thu sawiin, an thil phut chu chu tihlawhtling tura sorkar an phut thu an sawi

0
458
views

Heng zirna inte hi kum 14 chhung zet khawtlangin an lo enkawl tawh an nih thu leh mipui tan phurrit a tling takzet nia an hriat thu an sawi a. Heng sikul 9-te an nawrh avanga zirlai 850 chuangin zirna an chhunzawm thei lo leh first term exam thei lova an awm chu pawi an tih thu sawiin, he harsatna hi sukiang thuai tur leh a rang thei ang bera heng HSS 9-te chu Adhoc Aided a hlang kai tur leh naupangten zirna an chhunzawm thuai theih nan hmala tura sorkar an phut thu an sawi. Hmar Students’ Association chuan, an thil phut chungchangah hian tun thla chhunga hmalakna a awm lo a nih chuan n^ taka sorkar nawr a \ul a nih pawhin tun aia nasa zawka nawr tura an inpeih thu leh heng zirna inte dinhmun sang zawka hlangkai tura sorkar-in sum harsatna a chhuanlam chu an hrethiam lo hle tih sawiin, World Class Education siam tumtuten zirna atana sum a awm loh thu an sawi leh si chu thil inhmeh lo tak nia an hriat thu an sawi a ni.

Puan tawh angin Mizoram Lumsump Aided Higher Secondary School 9 chuan dinhmun sang zawka hlankai nawr nan June ni 18 a\ang khan zirna in an khar tawh a ni.