Kharna inkhawm neih hma hian Hnahthial hmar lam leh chhim lam kawngpui dunga bawlhhlawhte chu mipui ten chhar faiin Bazar kawnah an intawk khawm a, Hnahthial BDO, Sanitation Task Force Chairman ni bawk Pu H.Lalramliana MCS kaihruaiin Faina Hapta 2019 kharna inkhawm neih chhunzawm a ni. Khuallian Hnahthial District bawrhsap Pu Vanlalmawia chuan Ram pum huapa faina beihpui thlakna Swachh Bharat kalpui a nih hma pawhin Mizoram chuan faina beihpui hi a lo thlak \an tawh tih a sawi a, faina nunpuitu ni \heuh turin mipuite a sawm a ni. Zirna In, sorkar pisa, Restaurant leh Veng fai inelna-a ti \ha te hnenah bawrhsap hian lawmman a hlan nghal a ni.
