Hnahthial District chhung Myanmar ramri hnaiah awm khaw hrang hrang Bualpui H, Thingsai, Cherhlun, Ngharchhip, New Ngharchhip leh Muallianpui VCP leh YMA aiawh hruaitute chu vawiin khan Hnahthial SP Pu Lalbikkila hovin a Office Conference Hall ah an thukhawm a, Covid 19 avanga ramri-a duty kalpui chungchang sawi hovin Bung khaw kai, Thingsai tih loh chu duty chhunzawm rih loh nise an ti.

0
74
views

Hnahthial SP Pu Lalbiakkila chuan Covid19 avangin March mi 11 atang khan Hnahthial District chhung hmun 4-ah Myanmar nena inkalpawhna khar a nih thu leh hengah te Police-te duty tir an nih bakah VLTF ten an mahni khaw luhna hrang hrangah duty an indah thu a sawi a. Covid-19 laka Mizoram him theihna tura ram hnuai leh thosi kara duty-te chu chhuanawm a tih thu a sawi a, khaw 6 aiawhte hi tanpuina Rs.1000 theuh a pe a ni.

Hnahthial District chhung hmun 19-ah Myanmar nena inkalpawhna hi khar a ni a, heng a duty thinte hi mi 132 an ni a, chung zinga mi 10 te chu Assam Rifle te niin mi 13 te chu MAP an ni a, a bak zawng chu VLTF te an ni thin a. Fur ruahtui a tlak chhoh avangin, Tui a lian chho a, Myanmar nen inri-na Thingsai bul Bungkhaw kai tih loh ah chuan duty kalpui tawh rih loh nise an ti a ni.