Hnahthiala hmun lunlai Bazar kawna dawr te chu a chhawka inhawn tir an rel a, hmundanga dawr te erawhchu nitin hawn nise, bank dawrtuten Social distancing an kalpui that theih nan Student Police Cadet leh NSS te duty chhunzawm zel se an ti a ni.
District bawrhsap Pu Vanlalmawia chuan Mizoram pawn lam atanga lo haw khawm mekte chu thinhrik loh tur an ni a, sorkar ruahmannate zawm chungin fimkhur taka lo dawnsawn chu a him tawk a ni a ti.
Hnahthial SP Pu Lalbiakkila’n dan leh thupek kenkawh kawngah harsatna lian tham an tawk lo tih a sawi a, District Hospital Hnahthial-a Medical Officer Dr.Lalrengpuii Ralte sawi danin Hnahthiala Quarantine Centre-ah state dang atanga hawng mi 36 dah an ni tawh a, mi 13 an chhuak tawh a, mi 23 an la awm mek a ni.
