Delhi-a Hauz Qazi chhehvelah hian lirthei dah chungchanga inhnialna tenau a\angin buaina a chhuak a, temple te tihbawrhban anih bakah thawhrum thawhna a chhuak a ni. Patnaik hian buaina chhuak hi an thunun tawh tih a sawi a, buaina chawkchhuaktu nia ngaih mi pali te pawh man an ni tawh a, buaina chhuaka inhnamhnawih zawng zawngte chu a \ul dan angin hrem an ni ang a ti.
Pathianni khan Hauz Qazi-ah theirah zuar, Sanjeev Gupta leh Aas Mohammad te chu car dah chungchangah an inhnial a, Aas Mohammad chuan a \hiante hruaiin Sanjeev Gupta chenna in hi an bei a, Sanjeev Gupta hian Police te punin Aas Mohammad hi Police Station-ah hruai a ni a, hetihlai hian a \hiante chu Police Station kawtah inhawrkhawmin Aas Mohammad chhuah an phut thu an aupui a ni. Hemi hnu hian heng mite hian helai hnaia Temple chu luhchilhin an pathian lim te an ti bawrhbang a ni.
Political Party hrang hrangte chuan temple tihbawrhban a ni chu demawm an tih thu an sawi a, Union Minister, Harsh Vardhan chuan temple chu tlawhin, pathian lim an sawisak leh temple an tihbawrhban chu hmuh hrehawm a tih thu a sawi a, a titute chu ngaihdam rual an ni lo tih a sawi.
