MPCC hian vawiin khan thuchhuah siamin, he chhiatna thleng avanga nunna chan mi pathum lai an awm leh hliam tuar mi engemawzat an awm te, thlaphang taka an chenna in chhuahsan ngaia chhungkaw tam tak an awmte chu pawi an tih thu an sawi a. Chhiatna rapthlak tak a thlen ruala chhanchhuahna hna thawktu mipuite, ruahmanna fel tak siama hmalatu Durtlang Local Council leh YMA te, Leitan Local Council leh YMA-te fakawm an tih thu an sawi bakah, mihring inhliam belh hlauhawm tak kara tluang taka zankhuaa chhanchhuahna hna thawktu Mizoram State Disaster Response Force mi leh sate huaisenna leh inpekna ropui an tih thu a sawi bawk.
MPCC hian chhiatna rapthlak tak thleng hi lungrual taka hmachhawn tur leh chhiatna thleng vanga tuartu zawng zawngte tana bang lo a tawngtai turin Mizoram mipui an sawm a, chhiatna thleng denchhena thu belhchian dawl lo hmanga inchirhthehna awm thei lakah inthiarfihlim turin mipuite an ngen tih an sawi.
