Vawiina Kolasib Diakkawn YMA Hall-a Kolasib Mizo Students Union buatsaih Mizo Nationalism chungchang zir honaah thu sawiin, Pu Lalchamliana hian October ni 3 a\angaa Tuikuk te hruaikir hna thawh turah an lo let anih chuan Mizo ten hawihhawm taka lo lawm a \ha a ni a ti a, tharum thawhna tel loin, hnam ziarang thlauh thla silo in a chenho theih a ni a ti.
Pu Lalchamliana hian Mizo Nationalism chuan mizote zinga cheng ve hnam dang, sakhaw dangte nen inrem taka chengho chunga Mizo Hnam ziarang, nunphung, ngaihhlut zawng leh nihna te humhim chung sia hmasawn tura ke pen a huam a ni a ti a, Mizo Nationalism humhimna \ha tak chu zirna a ni a, Mizorama sorkar hna pawimawh tak tak Mizoten an chelh theih nan All India Service leh Central Service a tlin tam a pawimawh a ni a ti.
FCS&CA Minister Pu K.Lalrinliana pawhin thu sawiin, Mizo Nationalism humhim turin mi tamtak in nunna hlu tak an hlan tawh a, ala dama te hian Ram leh Hnam hmasawnna turin mawh kan phur \heuh a ni a ti.
Chawhnu lamah Ram leh Hnam Humhalh tih thupui hmangin MNF Vice President Pu R. Tlanghmingthanga leh Govt. Kolasib College Principal Dr. C. Lalmuankima ten thu an sawi a ni.
