Civil Hospital thlanga damdawi lei tur ten hmai tuamna leh social distincing an zawm tha em tih endiktu tur Police ruat belh an rel a, chhhiatna, leh damlohna thila chhuah ngai te LLTF leh VLTF chairman ten lehkha an siam sak theih tur thu an ruahman a, hmun danga hna thawk tur leh feh turte chuan LLTF leh VLTF lehkha an nei ngei tur a ni an ti a, zing dar 4:30 leh dar 7:00 inkarah chhuakin tlai dar 5:00 leh 7:00 inkarah an awmna vengah an haw leh hman tur a ni.
Mimal lirthei tlan chhuakten phalna an nei em tih Police ten uluk zawkin endik nise an ti a, Identity Card nei na zawngin pawn chhuah an tum thin avangin, sorkar hnathawk pisa kaite pawh office Identity Card leh detailment order, softcopy emaw hard copy emaw an keng tur a ni an ti a, inmil lo a awm a nih chuan Dan dinglai angin Police Duty ten pawisa an chawitir thei dawn a, lirthei tlan chhuak zingah ‘COVID-19 on Duty’ tih tar te pawh uluk zawka endik an rel a ni. Sumdawnna hmuna dawr neitu ten Social Distancing an zawm tha em tih endik turin Police ruat belh an rel bawk.
