Home minister hian ramri-a Task Force te, Police leh Medical team te theihtawp chhuaha an hmalakna fakawm a tih thu a sawi a, ramri hrul a duty te mamawh zualpui chu Sawrkarin a ngaihtuahpui zel tih a sawi. Bairabi Screening point a duty te hman tur Hand Sanitizer, PPE, mask, glove leh duty te mamawh lamna tur \anpuna tangkafai a pe a ni.
Kanhmun khua a Mizoram leh Assam inrina leh Mizoram leh Tripura inrina a Border Out-Post leh Task Force duty te pawh Home Minister hian a tlawh a, eitur leh invenna hmanrua te a pe a, Kanhmun Village Level Task Force te pawh kawmin state dang atang a lo haw te chu uluk tak a ni 14 chhung Quarantine thin turin a chah a ni. Home minister hian Zawlnuam Village Level Task Force te, Borai Border Outpost, Bungthuam, Kolalian , Saikhawthlir, Thinghlun, Zamuang, Zawlpui leh New Eden Border outpost a duty te eitur leh mamawh leina tur a pe bawk.
